Klinikk for spesialbehandling

Klinikken gjev behandling til born og vaksne på spesialistnivå innan fagområda.

Kven er pasientane våre?

Klinikken gjev behandling til born og vaksne, på spesialistnivå innan fagområda:

Kjeve- og ansiktsradiologi
Kjeveortopedi (tannregulering)
Kjeveortopedi og ortognatisk kirurgi
Oral kirurgi og oral medisin
Implantatbehandling
Protetikk
Periodonti
Endodonti

Interdisiplinær spesialistbehandling kan koordinerast mellom alle odontologiske fagområde.

Behandlinga blir i hovudsak utført av tannlegar under spesialistutdanning og av spesialistar. Det går også føre seg studentundervisning, og studentar utfører eigna undersøking og behandling under rettleiing av lærar.

Klinikken har samarbeidsavtale med Tannhelsetenestane i Oslo og Akershus om all kirurgisk behandling for born frå 0-18 år. I avtalen ligg også inne behandling av avansert periodonti og protetikk og eventuell enklare kjeveortopedisk behandling.

Kven kan tilvise til oss?

For undersøking og behandling som krev spesialistkompetanse, kan helsepersonell tilvise til Klinikk for spesialbehandling eller til dei følgjande fagavdelingane:

Avdeling for endodonti
Avdeling for kjeve- og ansiktsradiologi
Avdeling for kjeveortopedi
Avdeling for oral kirurgi og oral medisin
Avdeling for protetikk
Avdeling for periodonti

Det må føreliggje ei tilvising før timeavtale kan gjevast til pasient. Digitale røntgenbilete og kliniske bilete som leggjast ved tilvisinga bør sendast på CD eller USB-minne.

Behandlingskapasitet kan variere avhengig av nivåa i spesialistutdanningsprogramma.